کابل ټکی کام ۲۱وږی/۱۳۹۴
راپور: احمدالله مهاجر
د بغلان امنیه قمندانۍ د یو لوړ پوړي چارواکي په حواله، چې د دغه ولایت د مرکزي بغلان پر ولسوالۍاو د نورزک او جنګل باغ سیمو کې د وسله والو طالبانو په برید کې ۴ لاسته ورغلي دي.
ده زیاته کړه چې طالبانو تېره شپه په یادو سیمو برید وکړ، چې تر اوسه له امنیتي ځواکونو سره یې جګړه روانه ده.
ده وویل چې امنیتي ځواکونو د څو ساعتونو مقاومت کولو وروسته په تېښته بریالي شوي، چې د برید په پایله کې یې ۴امنیتي پوستې طالب وسله والو ته لاسته ورغلي دي.
ده دا تأیید کړه چې په جګړه کې د عامه نظم ۴تنه پولیس وژل شوي، او ۷تنه نور یې سخت ټپيان دي.
او دا یې هم ویلي چې تر اوسه ۵تنه طالب وسله وال وژل شوي او په لسګونه نور ټپيان دي.
خو د طالبانو ویاند ذبیح الله مجاهد رسنیو ته ویلي چې په جګړه کې ۸تنه پولیس او عسکر وژل شوي او ۱۲تنه ټپيان دي، او د پنځو تنو طالبانو د ټپي کېدو خبر یې هم ورکړی.
مجاهد زیاتوي چې د امنیتي ځواکونو دوه لوی تعرضي بریدونه په شاه تمبول شوي، او طالبانو ته ۲ ټانګونه، ۱میل دهشکه او ډېره نوره سپکه او درنه وسله له مهماتو او نظامي توکو سره لاسته ورغلې ده.
