کابل ټکی کام (چهارشنبه، ۹ غویی، ۱۴۰۵ل)
د مزارشریف ښاروالۍ ویلي، د نهمې ناحیې د لوړپوړیزو ودانیو شاته د سړک د کانکریټ کولو چارې په رسمي ډول پیل شوې. دغه پروژه د ښاروالۍ د انکشافي بودیجې له لارې تمویلېږي.
د معلوماتو له مخې، یاد سړک ۸۴۰ متره اوږدوالی او ۸ متره سور لري او په ټولیز ډول د ۱۶ میلیونه افغانیو په لګښت د څلورو میاشتو په موده کې بشپړېږي.
د پیل په مراسمو کې د ښاروالۍ مسؤلینو وویل، د مزارشریف ښار د پراختیا لپاره د ګڼو انکشافي پروژو پلان لري او یوازې په راتلونکي کال کې به له ۳۰ څخه زیاتې نورې پروژې هم عملي شي، څو ښاري خدمات ښه او متوازن شي.
