بغلان: د ترافيکي پيښې له امله ۸ تنه مړه او ۱۱ ټپيان دي
کابل ټکی کام (شنبه، ۲۵ چنګاښ، ۱۴۰۱ل)
د راپورونو له مخې، په بغلان کې د ترافيکي پېښې له امله ۱۹ تنو ته مرګ ژوبله اوښتې ده.
پېښه د بغلان ولایت په پلخمري ښار کې د یوه مسافر وړونکي بس او د یوه ټیلر د ټکر له امله رامنځته شوې ده.
روغتيايي مسولين وايي، چې د ټکر په ترڅ کې ۸ تنه مړه شوي او ۱۱ نور ټپیان شوي دي.
د پلخمري د ولايتي روغتون د جراحي څانګې يو تن مسول ډاکټر عاشق الله وزيري د ټپي کسانو وضعيت نازک ښودلی دی.
