نبوي وړاندوینه د نبوت نښه
حامد افغان
رسول الله ﷺ فرمایي: پر خلکو به له دوکې ډک کلونه رشي، داسې چې:
دروغژن به رښتینی بلل کیږي
رښتینی به دروغژن بلل کیږي
خاین به امانتدار بلل کیږي
امانتدار به خاین بلل کیږي
او په دې کلونو کې به “الرویبضة” خبرې کوي، چا ورته وویل “الرویبضة” څه مطلب؟ هغه ورته وفرمایل: رویبضۀ هغه کم عقل دی چې د عامو خلکو په چارو کې غږیږي.
عن أبي هريرة رضي الله عنه قال قال: رسول الله صلى الله عليه وسلم: ستأتي على الناسِ سُنونٌ خَدَّاعةٌ يُصدَّقُ فيها الكاذِبُ ويُكَذَّبُ فيها الصادِقُ ويؤتمَنُ فيها الخائِنُ ويُخَوَّنُ فيها الأمينُ ويَنطِق فيها الرُويبِضةُ قيل وما الرُّوَيبِضَةُ قال السَفِيهُ يتكلَّمُ في أمرِ العامة. أخرجه ابن ماجه (4036) واللفظ له، وأحمد (7912)
په ځانګړې توګه د سوشل میډیا زمانه کې ټول کم عقلان مطلق ازاد شول چې په هر ډول خبرو کې وګړیږي! له سیاسته نیولې ان تر ټولنیزو موضوعاتو پورې. دا نبوي پیشګویي او وړاندوینه په رښتیا چې د رسول الله ﷺ د نبوت لوی ثبوت او روښانه نښه ده.
