کابل ټکی کام (جمعه، ۱۴ زمری، ۱۴۰۱ل)
په دوحه کې د امريکا سره د مذاکراتي ټيم غړی او د افغانستان د کورنيو چارو د وزير خليفه سراج الدين حقاني خاص مشاور ښاغلی انس حقاني وايي، چې امریکا په کابل کې د بې پېلوټه الوتکو په برید سره د م.م منشور او د دوحې تړون مات کړي دي.
ښاغلي حقاني په خپل رسمي ټويټرپاڼه د ياد بريد په اړه خپل نظر څرګند کړی وايي، چې:«امریکا یو ځل بیا زمونږ پر خاوره د بې پېلوټه الوتکو په برید سره د م.م منشور او د دوحې تړون نقض کړل».
نوموړي زياته کړې، چې د امريکا دا اقدام نه یوازې د نړیوالو قوانینو او ژمنو ماتول و، بلکې په خبره يې (د یوې امنې نړۍ د لرلو آرزو ته چې د انسانانو ګډ ارمان دی «بې احترامي» ده. افغانان د خپل ملي حاکمیت نقض نه زغمي).
د ښاغلي حقاني په وينا، مونږ د آزادۍ تر جګړې وروسته چې زندانونو، زخمونو او شهادتونو ته مو غېږې ورکړې، د خپلو خلکو د هوساینې او نېکمرغۍ لپاره مو د مخاصمې باب وتاړهٔ او ټولو سره مو د اعتماد جوړونې دروازې پرانېستې په خبره يې دا هڅې باید درک شي؛ د شک او افتراء ناکامه ستراتېژي ډېره پخوا ناکامه شوي.
تر دې مخکې د افغانستان د کورنيو چارو وزير ښاغلي سراج الدین حقاني هم ويلي و چې د القاعده ډله په افغانستان کې هيڅ شتون نه لري؛ نړۍ ته ګواښ نه شي پېښولاي.
