روسیې د کاناډا په ګڼ شمېر پوځي او سیاسي چارواکو بندیزونه لګولي
کابل ټکی کام (یکشنبه، ۱۳ وږی، ۱۴۰۱ل)
روسیې پر دغه هېواد د لوېدیځ له لوري د بندیزونو په ځواب کې د کاناډا پر ۵۵ نورو پوځي او سیاسي چارواکو بندیزونه لګولي دي.
دغه چارواکي به اجازه و نه لري چې د روسیې خاورې ته داخل شي.
د روسیې د بهرنیو چارو وزارت وایي، دغه اقدام یې د روسیې پر اتباعو د “اوتاوا” له خوا د لګول شویو بندیزونو په ځواب کې کړی دی.
دې وزارت همدارنګه ویلي،چې د روسیې د عدلیې وزارت د کاناډا درې غیر دولتی سازمانونه هم د نا مطلوبو سازمانو په فهرست کې شامل کړی دی.
