کابل ټکی کام (يکشنبه، ۳ ته تله، ۱۴۰۱ل)
د افغانستان لپاره د امریکا سفارت نوې شارژدافیرې ‘کرن ډېګر’ خپله دنده پیل کړه او ويلي نوموړې ويل ي چې د افغانستان لپاره د متحده ایالاتو د ماموریت مشري کوي.
کرن ډيکري په خپل رسمي ټويټر اکاونټ ليکلي، زه د افغانستان له استازو او اتباعو سره خبرو ته چمتو یم او صادقانه او ازادو اړیکو ته سترګې په لار یم.
ميرمن ډيکري په پښتو ژبه ليکلي، چې له خپلو نړیوالو متحدینو، شریکانو او نړیواله برخه اخیستونکو ملګرو سره په ګډه د افغانانو ملاتړ ته دوام ورکړو؛ ترڅو د افغانستان خلک خپل متنوع کلتور ولمانځي، د متحده ایالاتو ګټې پر مخ ولاړې شي او نړیوالو قوانینو ته د پرمختګ زمینه مساعده شي.
ميرمن ډيګري وايي، په دې ستونځمنو شرایطو کې د افغانستان له خلکو سره د قطر دوامداره مرستې زما لپاره د ستایلو وړ دي او دا پخپله په سیمه کې د سولې او ټیکاو لپاره د قطر د ژمنتیا يوه پیاوړې نښه ګڼل کیږي.
نوموړې وايي، متحده ایالات له افغانستان سره د بشرپاله مرستو یوازینی ستر تمویلونکی هیواد دی زياتوي «د ۲۰۲۱ کال د اګست میاشتې را په دیخوا يي ۱،۱ میلیارد ډالرو څخه زیاته مرسته کړې ده.»
هغه وايي، چې د لومړنیو اړتیاوو د برابرولو سربیره، دوی د هغو پروګرامونو ملاتړ کوي چې د بشر حقونو، په ځانګړې توګه د ښځو او نجونو حقونو ته وده ورکوي.
