لیــــک وفیق اشنا
پـه لـیکـنه کې انځــور وړاندې کول د لـیکوال تـر ټــولو اساسي مــهمه موخه ده بیا د همدې لیک وسيله قــلم دی، کـله مـې چـې د قلم د اهمیت لپاره قلم لوڅ کړ، نـو همغه مهال راڅخه د تـورو او لفظونو امیل تار تار وشـلـیده.
نو د قلم په څیر د ستر ارزښتمند نعمت حقوق، خوندې کول او بیانولو لپاره نن خپل ځان او خپل قلم دواړه عاجز بولم او ګوتو کې مې د قلم په پار د همدې لاندې څو کرښو لیکلو پرته نور قوت نـشـته.
د یوې ټولنې اصلاح او تربیه د هر مسلمان مؤمن دنده او وجیبه ده، هر وګړی مکلف دی چې د یوې ټولنې پرمختګ او ترقۍ لپاره خپل کوښښ او همت وکړي او ټولنه له ټولو بدمرغیو کاملاً عاجل وژغوري.
قـلم په اسلامي تاریخ او نړۍ کې اوږده مخینه لري او ارزښت يې یوازې له همدې معلومولای شو چې لوی څښتن تعالی وایي.
(ن وَالْقَلَمِ وَمَایَسْطُرُوْنَ)
ژباړه. په قلم قسم او هغه څه چې قلم یې لیکي.
نـو دومره وایم چې قلم یـو سـتر نـــعمـت او د پیغام رسولو یوه ښه ذریعه ده نو د همدې قـلم په مـټ موږ ټولنه او افکار جوړولی او ړنګولی شو.
کله چې قلم د یو پاک ليکوال پر ګوتو کې وي نو د یوې ټولنې او افکارو د جوړیدا سبب کیږي اما کـله چې قلم د یو منحرف شوي انسان په لاس کې وي بیا ټولنه او اذهان تخریبوي.
دا چې هېواد کې شـل کـلنه اوږده جـګړه تیره شوه او له هـر اړخ یې هېواد او هېوادوال لـه اوږد بحران سره مخ کړل نو په همدې جریان کې زیات شمیر ځوانانو ته د قلم د استعمال فرصت ورنکړل شــو او د قلم لرې والي یې پوره شل کاله نصیب شو، نو همدا لرې والی ضرور د یوې ټولنې د پس پاتې کیدو لامل هم کیدای شي.
اوس نو د بـیا پرمختګ لپاره کلونه کار، همت او اخلاص تـه اړتیا ده څومره چې نو کیږي ځوانان، ټولنه، بايد خپل ځانونه د قلم سره د الفت په ځنځــیر کلک وتړي تر څو مو هېواد اباد او د سیالو هېوادونو سره سیال شي،
نور نو د خپلو لیکلو لنډیز په دي څو ټکو کې کوم چې د قلم کرښه په زهنونو تر هر څه زیاته اغیزه کوي، قلم د یو ویده او غافل قوم د بیدارۍ د ویښولو وسیله ده همغه قومونه عزیز دي چې د ټولنې خلک یې د قلم مینوال دي.
په پای کې خپل غبرګ لاسونه لوی څښتن ته لپه کوم چې ټولنه کې مـو د قلم، کتاب، مینوال رازرغون کړي.
پــه درنـښت
وفیق اشنا
1401/5/12
