لوړو زدهکړو وزارت: د کابل پوهنتون لیلیه کې د ښځینه محصلینو مسمومیت حقیقت نه لري
کابل ټکی کام (دوشنبه، ۱۱ تله، ۱۴۰۱ل)
د افغانستان د لوړو زده کړو وزارت وايي، چې د کابل پوهنتون لیلیه کې د ښځینه محصلینو مسمومیت حقیقت نه لري.
د لوړو زده کړو وزارت وياند احمد تقي وايي، په ځېنو مغرضو رسنیو کې د کابل پوهنتون په لیلیه کې د ښځينه محصلینو د مسمومېدو راپورونه نشر شوي چې حقیقت نلري.
احمد تقي ویلي، لیلیه کې ۱۵۰۰ ښځینه محصلینې اوسیږي چې په خوړو کې د بې احتیاطۍ له امله ۵۰ محصلینې ته ناروغې شوې وې.
نوموړی زياتوي، د پوهنتون ادارې له لوري د يادو محصلينو پر وخت درملنه شوې او اوسمهال يې روغتيايي وضعيت ښه دی.
د عامې روغتیا وزارت له لوري هم په شویو معایناتو کې د مسمومیت هېڅ نښه نه ده لیدل شوې.
