امریکا وایي بیا په افغانستان کې د پوځي مداخلې تیروتنه نه کوي
کابل ټکی کام (پنجشنبه، ۱۴ تله، ۱۴۰۱ل)
د قطر هېواد په پلازمینه دوحه کې دوحه کې د افغانستان لپاره د امريکا د سفارت سرپرستې “کارين ديکر” په خپلو تازه څرګندونو کې ویلي چې، هېواد به يې بيا په افغانستان کې د پوځي مداخلې تېروتنه ونه کړي.
آغلې دیکر زياته کړې، هڅه کوي چې له طالبانو سره خبرو ته ادامه ورکړي او هغوی وهڅوي چې امنيت ټينګ کړي او د دې په خبره د افغانانو بشري حقونو ته درناوی وکړي.
د ديکر په خبره چې ښوونځيو ته د نجونو تګ او دغه راز د امنيت ټينګول هغه دوې مسئلې دي چې امريکا پرې له طالبانو سره خبرې کوي.
د امريکا د سفارت سرپرستې په ټينګار سره ويلي چې څوک دې ترې افغانستان کې د پوځي مداخلې تمه نه لري.
د نوموړې دا څرګندونې ظاهراً د دوستم د هغې خبرې په غبرګون کې دي چې ويلي وو، که نړيواله ټولنه ورسره مرسته وکړي نو طالبان به په دوو اونيو کې له شمالي ولایتونو وباسي.
