کابل ټکی کام (پنجشنبه، ۱۴ تله، ۱۴۰۱ل)
د راپورونو له مخې، د نړۍ تر ټولو شتمن کس ايلن ماسک په ۴۴ ميليارده ډالره د ټوېټر شبکې په اخيستلو ته راضي شوی دی.
ټوېټر او د ټیسلا اجرايي ريیس ایلن ماسک وايي، د ټویټر پر سر موافقې ته رسېدلي دي.
ټوېټر وايي چې د دې معاملې پر اساس به د ټوېټر هره ونډه په ۵۴ اعشاریه ۲۰ ډالره پلوري.
د دې خبر له اعلانېدو وروسته د ټویټر د هرې ونډې ارزښت ۲۲ سلنه لوړ شو.
تر دې مخکې د سږ کال په اپریل کې هم ایلن ماسک، په ۴۴ میلیارد ډالره د ټوېټر له اخيستلو سره موافقه کړې وه، خو بېرته پښېمانه شوی و او د دې مسلې پر سر د دواړو خواوو ترمنځ حقوقي دعوه پیل شوې وه.
