لطيف الله قمري
له غربي ميډيا او د ملګرو ملتونو له پرېکړو متاثرين فکر کوي، مجرمين بنديان کول غوره دي له دورو وهلو څخه، ځينې خو دورې وهل وحشيانه او ظالمانه کړنه ګڼي.
راځئ څو مجرمينو ته خوښه ورکړئ، چې ٤٠ دورې انتخابوې او که يو کال حبس؟، وبه ګورئ چې ټول دورې انتخاب کړي او له حبس څخه انکار وکړي.
ولې؟
ځکه انسان په معمولي فکر سره پوهېږي چې حبس له دورو وهلو څخه ډېر ظالمانه دی.
د زندان يا حبس ضرر مجرم، د مجرم کورنۍ او ټولنې ته رسيږي، په حبس سره يو انسان د ډېرې مودې لپاره خپله ازادي له لاسه ورکوي، بچي، ميرمن او کورنۍ يې بې سرپرسته کېږي، اقتصادي کفالت څخه بې برخې او سالمه روزنه نشي ليدلی.
همدارنګه بنديان او د هغوی کورنۍ پر ټولنه اضافي بار وي د بنديانو د بچيو بې سرپرسته پاتې کېدل ټولنې ته د کوچنيو مجرمينو د روزنې بد پيغام لري.
ه حبس داسې جزا ده چې په ورو ورو تطبيقيږي او انسان ور سره عادت کوي، په نتيجه کې مجرم له جزا سره عادي کيږي، له خوشې کېدو وروسته له پخوا ډېر شديد جرايم تر سره کوي.
د مشهورو مجرمينو تاريخ مطالعه کړئ، هغوی په تکراري ډول زندان ته تللي او هلته ورو ورو پر لويو مجرمينو بدل شوي.
برعکس په دورو وهل، أني جزا ده، زر تطبيقيږي، د مجرم کورنۍ نه بې سرپرسته کېږي، مجرم باندې ټول تکليف يو ځل رازي چې د ده د فکر په بدلون کې عاجل رول ادا کوي او مجرم د ډېر وخت لپاره له اقتصادي فعاليت څخه نه منعه کيږي.
ستاسو په اند، په تعزيري جزاګانو کې حبس غوره دی که دورې وهل؟.
