کورنيو چارو وزارت: نږدې ٣٥٠ تنه په نشه روږدي کسان د کابل ښار څخه راټول او د درملنې په موخه اړونده روغتونونو ته وسپارل شول
کابل ټکی کام (شنبه، ۲۶ لیندۍ، ۱۴۰۱ل) د کورنيو چارو وزارت وايي، چې د نشه یي توکو پر وړاندې د مبارزې معینیت منسوبینو د کابل ولایت په سرای شمالي، شهرنو او نورو سیمو کې په نشه روږدي کسان راټول او ١٠٠٠ بستریز روغتون ته د درملنې په موخه يې ليږلي دي.
د ياد وزارت څخه په خپره شوې خبرپاڼه کې راغلي، چې د يادو نشه یانو له ډلې یوه بې سرپرسته په نشو روږدې میرمن هم د درملنې په موخه د ښځینه روږدو روغتون ته د درملنې په موخه لېږلې ده.
د يادونې ده، چې د ا.ا.ا په راتګ سره د هېواد په بېلابېلو سترو ښارونو کې سلګونه تنه نشه يان له ښارونو او بازارونو راټول او په لويو روغتونونو کې تر تداوۍ وروسته خپلو کورونو ته لېږل شوي دي.
