کابل ټکی کام (يکشنبه، ۱۴ کب، ۱۴۰۱ل)
د راپورونو له مخې ، محکمې ته د پاکستان د پخواني لومړي وزیر عمران خان له پرله پسې غیر حاضرۍ وروسته په اسلام اباد کې پولیسو د هغه د نیولو هڅې پیل کړې دي.
د ډان په نامه پاکستاني رسنیو د یکشنبې په ورځ (د مارچ ۵ مه) راپور ورکړ چې د عمران خان د نیولو لپاره د پاکستاني پولیسو له اقدام وروسته د تحریک انصاف ګوند مشر فواد چوهدري د خپل ګوند له ټولو کارکونکو غوښتي چې د خان کور ته ځانونه ورسوي.
چوهدري ويلي: “د عمران خان د نيولو هر ډول هڅه به حالات خراب کړي.”
د اسلام اباد پوليسو هم په خپل رسمي ټويټر پاڼه ليکلي چې د محکمې د حکم له مخې د اسلام اباد د پولیسو یوه ډله د عمران خان د نیولو لپاره لاهور ته رسېدلې ده:«ول عملیات د لاهور پولیسو په همکارۍ بشپړ شوي دي.»
ياده دي وي چي تيره مياشت د اسلام آباد د سترې محکمې قاضي ظفر اقبال د عدالتي ناستو نه د مسلسل غيرحاضري په وجه د عمران خان د نيولو حکم وکړ.
پوليس وايي، د هغو کسانو پر وړاندې قانوني چلند وشي چې د محکمې د حکمونو په اجرا کې خنډ ګرځي.
