کابل ټکی کام (شنبه، ۲۰ کب، ۱۴۰۱ل)
په بغلان کې سرچينې وايي، چې د دغه ولايت په خوست ولسوالۍ کې د يوه کور د چت د لوېدو له امله درې ځوانې نجونې او دوه ماشومان مړه شوي دي.
دا پېښه تېره شپه شاوخوا ۱۲ بجې د بغلان ولایت د خوست ولسوالۍ په چهار قشلاق کلي کې رامنځته شوې ده .
د سرچينې د معلوماتو له مخې، وژل شوي کسان د يوې کورنۍ غړي دي.
يوې سرچينې وويل، چې د کور خاوند عبدالمطلب او زوى يې له پېښې روغ وتلي، خو درې لوڼې او دوه ماشومان چې لمسيان يې دي، مړه شوي دي.
په دې پيښه کې ددغه سړي يو زوى ټپي شوى دى.
