کابل ټکی کام (شنبه، ۲۰ کب، ۱۴۰۱ل)
د هند د بهار ایالت پولیس وايي، د “جوګیا” په کلي کې یې د یوه مسلمان سړي د وژلو په تور درې کسان نیولي دي.
ویل کېږي چې ‘نسیم قریشي” او وراره یې د غوایي غوښه لېږدوله چې د هندي سخت دریځو لخوا په یو برید کې ووژل شو.
په دغه برید کې د قریشي وراره په تېښته بریالی شو خو؛ نوموړي روغتون ته له رسېدو وړاندې د سختو ټپونو له امله ساه ورکړه.
د ویلو ده چې غوا په هندو مذهب کې سپیڅلې ګڼل کېږي او داسې راپورونه شته چې سخت دریځه هندوان د غواګانو د ساتنې ډلې جوړوي ترڅو د غواګانو د وژلو مخه ونیسي تر دې وړاندې هم بیا بیا د هندوانو لخوا مسلمانان د غواګانو د ذبحه کولو او غوښې خوړلو په جرم وژلي دي؛ خو د بشري حقونو هېڅ کومې نړیوالې ډلې د هندوانو دغه کړنې نه دي غندلي.
