کابل ټکی کام (پنجشنبه، ۱۹ زمری، ۱۴۰۲ل)
له ترکیې ورکړل شوي راپورونه وایي چې افغان مرستیال لومړي وزیر “ملا عبدالغني برادر اخند” او ورسره مل پلاوي ترکيې ته د خپل سفر په ترڅ کې د ياد هيواد د بهرنيو چارو له وزير سره کتلي دي.
د ملا برادار دفتر ته نیږدې سرچینو “کابل ټکی کام” ته ویلي چې په دې لیدنه کې د افغان- ترک ترمنځ د هراړخيزو اړيکو په اړه خبرې شوې دي.
د ملا برادر دفتر وایي چې نوموړي د ترک خارجه وزير څخه وغوښتل، چې ترکيې پانګوال افغانستان کې په بيلابيلو برخو کې پانګونې ته وهڅوي، په ترکیه کې دې د افغان کډوالو سره ښه سلوک وکړي او د دواړو هېوادونو ترمنځ د اړیکو د ټینګښت لپاره دې اغیزمنې هڅې وشي.
د ملا برادر دفتر وایي چې د ترکیې خارجه وزير ورته د هر ډول همکارۍ ډاډ ورکړی دی.
د ویلو ده چې په افغانستان د اسلامي امارت د واکمنۍ دوه کاله په پوره کېدو دي؛ خو دا لومړی ځل دی چې نوموړی له هیواد څخه د باندې سفر کوي ټاکل شوې ده چې په دې سفر کې به افغان مرستیال لومړی وزیر او د رئیس الوزرا اقتصادي مرستیال ملا برادر اخند د ترکیې د ولسمشر “رجب طیب اردغان” په ګډون له یو شمېر لوړ پوړو ترکي چارواکو سره د لیدنو کتنو ترڅنګ په ترکیه له میشتو افغان پانګوالو سره هم وویني او کابل ټکی کام ته د رسېدلو مالوماتو له مخې له ترکیې وروسته به سعودي عربستان ته هم سفر وکړي.
