کابل ټکی کام (یکشنبه، ۲۹ زمری، ۱۴۰۲ل)
په داسې حال کې چې د لیبیا د پلازمینې طرابلس په څنډو کې لا هم د حکومتي ځواکونو او حکومت ضد وسله والو ترمنځ خونړۍ نښتې روانې دي له یاد هیواد څخه وروستي ورکړل شوي راپورونه وایي، چې د ترکیې جنګي الوتکو نن سهار او تیره شپه د وسله والو په سنګرونو درنې بمبارۍ کړي دي.
عربي ۲۱ د لیبیا د وسلوالو ځواکونو د قومندانۍ د ویاند په حواله خبر ورکړی، چې په دغو هوایي بریدونو کې ۸۰ یاغیان وژل شوي، لسګونه نور ټپیان دي او وسله وال اړ شوي چې له نیول شویو سیمو شاتګ وکړي.
د ویلو ده چې د لیبیا په پلازمېنه طرابلس کې څلور ورځې وړاندې له هغه وروسته د حکومتي ځواکونو او مخالیفو وسله والو ترمنځ جګړه پیل شوه چې حکومتي ځواکونو د مخالفو وسله والو ملیشو یو مشر ونیوه د راپورونو له مخې تر اوسه په یاده جګړه کې ۳۰۰ کسان وژل شوي چې ډیر یې حکومت ضد جنګیالي دي.
