کابل ټکی کام (چهارشنبه، ۸ وږی، ۱۴۰۲ل)
له لیبیا وروستي ورکړل شوي راپورونه وایي چې د یاد هیواد په دویم ستر ښار بنغازي کې د حکومتي ځواکونو او وسله والو ترمنځ خونړۍ نښتې روانې دي.
عربي ۲۱ خبري شبکې بنعازي کې د خپلو سرچینو په حواله خبر ورکړی، چې له پلازمینې طرابلس تښتیدلي وسله وال بنغازې کې د خلیفه حفتر له وسله والو سره یوځای شوي او د یو کوچني هوایي ډګر په ګډون یې ځینې حکومتي ودانۍ نیولې دي.
په ورته مهال د لیبیا د ملي یوالي حکومت ویاند پلازمېنه طرابلس کې یوې خبري ناستې ته د خبرو پر مهال ویلي، چې ځواکونه یې هڅه کوي حالات تر کنترول لاندې راولي او وسله وال له له بنغازي وباسي.
دا په داسې حال کې ده چې یوه اوونۍ وړاندې د لییبا په پلازمېنه طرابلس کې د حکومتي ځواکونو لخوا د وسله والو د یوه مشر تر نیولو وروسته جګړه پیل شوه چې په پایله کې یې ۳۸۰ تنه ووژل شول او سلګونه نور ټپیان شول؛ خو د ترکیې هوایي بریدونو وسله وال اړ کړل چې له پلازمینې طرابلس څخه ووځي.
د ویلو ده چې بنغازي یو د هغو ښارونو له ډلې ده، چې په ۲۰۱۱م کال کې د معمرالقذافي د نظام پر وړاندې پکې بغاوت پيل شو، چې وروسته ډېر ژر نورو ښارونو ته هم وغځیده د امریکا+ ناټو ملاتړ یې ترلاسه کړ او د غربیانو د هوایي بریدونو په پایله کې د قذافي ريژیم نسکور شو چې له هغې ورځ تر ننه د لیبیا حالات کړکچین دي.
