کابل ټکی کام (یکشنبه، ۱۲ وږی، ۱۴۰۲ل)
د فلسطیني رسنیو د راپور له مخې؛ د حماس د سیاسي دفتر مرستیال صالح العاروري، د اسلامي جهاد غورځنګ سکرتر زیاد النخاله او د لبنان د حزب الله منشي سید حسن نصرالله په بیروت کي سره لیدلي او د اسرائیلو د رژیم پر وړاندې د مقاومت پر انتخاب یې ټینګار وکړ.
په دغه کتنه کي صالح العاروري، زیاد النخاله او سید حسن نصرالله د فلسطین او لبنان د وروستیو پرمختګونو په هکله خبرې اترې وکړې او په لویدیځه غاړه کي یې د اوسنیو حالاتو او په دغه سیمه کي د مقاومت د شدت ارزونه وکړه.
له دغې غونډې وروسته؛ په خپره شوې اعلامیه کي له صهیونیسټ دښمن سره په مقابله کي د مقاومت د محور په ثابت دریځ ټینګار شوی دی.
د دغې غونډې په پای کي دواړو خواوو د مقاومت د غورځنګونو په تېره بیا د فلسطین او لبنان په حالاتو کي د دایمي همغږۍ په اهمیت ټینګار وکړ.
په دغه ګډه اعلاميه کي ويل شوي؛ چي د حماس، اسلامي جهاد او حزب الله مشرانو د مناسبو پرېکړو او حل لارو په موخه د سياسي، امنيتي او پوځي پرمختګونو په اړه د همکارۍ او تعقیب پر اهميت ټينګار وکړ.
دا په داسې حال کي ده؛ چي په دې وروستیو کي د اسرائیلي رژیم امنیتي چارواکو د فلسطیني مقاومت د مشرانو د وژنې د بیا پیلولو د احتمال په اړه بحثونه کړي دي.
