کابل ټکی کام (جمعه، ۳۰ وږی، ۱۴۰۲ل)
له سوډان ورکړل شوي راپورونه وایي چې پلازمینه “خرطوم” کې د د پوځ د عمومي قومندانۍ په شاوخوا کې د پوځ او د چټک غبرګون د ځواکونو ترمنځ خونړۍ نښتې روانې دي.
د پلازمینې “خرطوم” په “ام کدادا” بازار کې د ښکیلو لوریو ترمنځ په نښتو کې د لسګونو ملکیانو د وژل کېدو په اړه راپورونه ورکړل شوي دي.
دا په داسې حال کې ده چې پرون پنجشنبه، د سوډاني پوځ مشر او چارسمبالي ولسمشر د حاکمیت شورا مشر جنرال “عبدالفتاح البرهان” د ملګرو ملتونو د عمومي اسمبلۍ په اوه اتیایمه غونډه کې د ګډون لپاره نیویارک ته تللی.
ټاکل شوې چې البرهان به نن د جمعې په ورځ د ملګرو ملتونو عمومي غونډې ته په سوډان کې د روان وضعیت په اړه وینا وکړي، او د څو اړخیزو همکاریو د پیاوړتیا په اړه د بحث لپاره به د لوړې کچې په غونډو کې هم برخه واخلي.
د تیرې میاشتې له وروستیو راهیسې، جنرال “البرهان” په هیواد کې د سوډانې پوځ او د چټک غبرګون ځواکونو ترمنځ د روانې خونړۍ جګړې د پای ته رسولو لپاره خپلو بهرنیو سفرونو ته زور ورکړی دی.
په تېرو څو ورځو کې “البرهان” شپږو هیوادونو ته سفرونه کړی: مصر، سویلي سوډان، قطر، اریتریا، ترکیه او په په دې وروستیو کې یوګانډا ته تللی ده؛ ترڅو د یادو هیوادونو ملاتړ را خپل کړي.
د سوډان په پلازمینه خرطوم او د هیواد په لویدیځ دارفور سیمه کې د جګړې له پیل راهیسې تر اوسه لږ تر لږه 435 ماشومانو په ګډون شاوخوا 8500 کسان وژل شوي دا هغه شمېرې دي چې د سوډان د روغتیا وزارت او سره صلیب رسنیو ته ورکړې دي؛ خو احتمال شته چې ښایي د قربانیانو شمېر به د دې دوه برابره وي.
د ویلو ده چې د جګړې له امله شاوخوا 5 ملیونه خلک اړ شوي چې خپل کورونه پریږدي او له سوډان څخه وتښتي چې ډیر یې ګاونډیو هیوادونو په ځانګړي توګه مصر او چاډ ته تللي دي ، سربیره پردې د هیواد د روغتیا سکتور 80٪ سلنه تاسیسات هم له کاره لویدلي دي او خلک لومړنیو خدماتو ته لاس رسی نلري.
#العربیه
