کابل ټکی کام (جمعه، ۷ تله، ۱۴۰۲ل)
د راپورونو له مخې ، د پاکستان په خیبرپښتونخوا د پوليسو مرکز په يوه مسجد او د بلوچستان ايالت په يوه مسجد کې د چاودنو له امله ۵۶ تنه وژل شوي او لسګونه تنه نور ټپيان شوي دي.
د هنګو دوآبه پولیسو مرکز مشر شابراز خان وايي، برید د جمعې له لمانځه مخکې داسې حال وشو چې ملا امام خطبه ویله. نوموړی وايي، د برید پر مهال جومات کې له ۳۰ تر ۴۰ پورې کسان ناست وو.
لومړي بریدګر د مرکز بهر په ځان پورې تړلي باروت وچوول او د دویمې چاودنې له کبله چې په جومات کې دننه شوې، د جومات چت نړېدلی.
يو تن ځايي پوليس چارواکی فضل اکبر خان وايي، چې مرستندویانو د جومات له نړېدلې ودانۍ څلور مړي او ۱۲ ټپیان راایستلي دي.
دغه راز نن د بلوچستان ایالت په مستونک سيمه کې په يوه مسجد کې د ميلاد النبي د نمانځنې په مناسبت په راټولو شويو کسانو چاودنه شوې چې د ځايي چارواکو او رسنيو د ورکړو معلوماتو پر اساس تر اوسه پکې ۵۲ کسان وژل شوي او لسګونه تنه نور ټپيان شوي دي.
د پاکستان د حکومت خلاف وسله والې ډلې تحريک طالبان پاکستان په رسنيو ته په لېږلې اعلاميه کې ويلي، چې يادې دواړه چاودنې په دوی پورې اړه نه لري.
تر اوسه د ننيو خونړيو چاونو پړه چا په غاړه نه د
ه اخيستې.
