لیکنه:رهـــاد
هو! دا واقعت دى چې افغانانو په یوه سلیزه کې څومغرور او مستکبر قوتونه راونړول،دځواکمنو اومسلحو پوځونو ماتول او دایمي شاتګ ته مجبورول کومه اسانه اوساده خبره نه ده
خوله دې هرڅه سره سره افغانان په نشته امکاناتو وتوانېدل چې خپله برحقه داعیه(جهاد) کامیاب او دوښمن ددائمي ماتې په درشل لاهو کړي
دلته دیوشمېر هغه لاملونو یادونه کوه چې دافغانانو دسپېځلی جهاد دکامیابۍ او ددوښمن دماتې سبب شول
1_ داللهﷻنصرت(مرسته)
که شرعي نصوصو ته وګورو ټول په دې معنا ټینګار کوي، چې د الله تعالی مرسته،او ملتیا د هیچا سره بې قیده او بې شرطه نه ده، بلکه هغه د الله تعالی په رښتینې بنده ګئ (اخلاص او اطاعت ) پورې مقیده او تړل شوې ده ، او د هغې سره نیغ په نیغه تړاو لري،اللهﷻفرمايي:(يَاأَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ) ( وَلَيَنْصُرَنَّ اللَّهُ مَنْ يَنْصُرُهُ) الایه
دافغانانو دجهادي بریا راز هم داللهﷻپه کلک اطاعت اوريښتني اسلامي دریځ کې وه ،چې مقابل کې یې الله تعالی هم له دوی سره دنصرت خپلې وعدې او ژمنتیاوې پوره کړې،
خوهغه خلک چي په عصري ټکنالوژي باور لري داسې فکر کوي چي دا داللهﷻ مرسته نو څنګه وي؟ دوی یو قسم ملنډې وهي او وايی: ایا الله ﷻبه دوی ته د اسمان له لوري روپۍ یا وسلې راوليږي ،که څنګه ؟
خو داللهﷻ مرسته هغه څه ده چې یوازې مسلمانان ورباندې باور لري،او عقل یې له درک کول څخه عاجز پاتې کیږي.
خلاصه دا چې په اسلامي مبارزاتو اوجهادي غزواتو کې داللهﷻنصرت او کومک ترټولو قوي راز بللی شو.
2– دصف وحدت(یوالی)
په تیر شل کلن جهادکې دافغانانو یوالی اووحدت ددښمن به وړاندې دکامیابۍ محوري نقطه بللی شو،ځګه دوی وتواندېدل چې دوست او دښمن پر دې خبره یقني کړي، چي په وحدت کي قوت دی،اویووالی د بریا ترټول قوي راز دی،
ځکه افغانان په دې پوهېدل چې حکومتونو، خوځښتونو،ټولنو او حتی کورنۍداتحاد او یو والي په صورت کې دیوه قوي دښمن لوی لوی پلانونه بې اغیزې کولای شي.
اوس افغانانوته تجربو اومشاهدو دا ثابته کړې چي اتحاد د کامیابۍ ستر باعث دی،اومقصود ته تر ټولو آسانه لار ده،کنه دوي دشرقي بلاک( روس)په وړاندې له ځان سره دبې اتفاقي ترخې تجربې هم لري.
3_دولسي خلکو ملاتړ
ددوښمن په وړاندې دافغانانودجهاد یوه مهمه ځانګړتیا داوه چې د ولسي خلکو له پوره همګارۍ څخه برخمن وه ، ولسي خلګو به دمجاهدینو سره بې تنخوا د ثواب په نیت همکاري کوله، دمثال په ډول یې ده استخبارتي ، مالي،او اکمالاتي همکاریو یادونه کولای شو . له همدې امله اشغالګر دوښمن دا درک کړه چې ددوی په وړاندې مبارزه کول هسې له غره سره سرجنګول دي.
4_صبر اوپه اللهﷻتوکل کول
دمجاهدینوصبر اوکلک استقامت دوښمن ته په ډاګه کړه چې صبر هغه بې مصرفه وسله ده چې له ډېرو سختو کړاوونو سره پرې هر ډول مبارزه پرمخ ځي، دافغانانو خالي لاس ددوښمن په وړاندې درېدل ددوی صبر او په الله ﷻ توکل څرکندوي،
ددې خبرې دثبوت لپاره يوازې په دې یوه مثال اکتفاء کوه
چې مرحوم لوی ملاصاحب به ویل :
بوش راسره دماتې اوشكست وعده كړې ، او الله تعالی راسره دمرستې کومک ، اوکامیابۍ وعده کړې وبه ګورو چه کومه یوه وعده رښتینې کیږي.
هغه وخت مرحوم ملاصاحب هیڅ ډول پرمختللې اسلحه له ځان سره نه لرله،په محص توکل ددوښمن په وړاند ولاړوه
د ملنګ أمیرالمؤمنین ملامحمدعمر مجاهد رحمه الله دا ویناد ده کلک هوډ،صبر،توکل، ایمان اوراسخه عقیده په ډاګه کوي.
5_سرښندنه او فداکاري:
په افغانستان کې همش ددنیا د زبرځواک قوتونو په وړاندې دجهاد زمزمې بدرګه شوې،
هغه قوتونه چې په چې په هر ډول پرمختللو وسلو او تکنالوژیو مجهز وه، خو مقابل کې یې مجاهدین دڅو زړو اسلحو سره تش لاس دمبارزې میدان ته راووتل،خو ددوی فداکارۍ اوسر ښیندونو دوښمن ته داثابته کړې، چې جنګ داسلحو او پوځونو په توسط نه گټل کیږي، بلکې سرښیندنې او فداکارۍ ته اړتیا لري.
6_دمجاهدینو تقوا
تقوي د زړه حالت دی او د ایمان خورا لوړ مقام ده، دې مقام ته رسېدل ډیرې هڅې او لویه مجاهدې ته اړتیا لري، تقوادار انسان په پټه او ښکاره یوشان له خپل خالق نه ویریږې، او د ژوند په هر پړاو کې د اللهﷻ امرونو او د اللهﷻ د دین غوښتنو ته متوجه او بیدار وي،
په قرآن کريم کې چې د تقوا کومې ګټې ښودلې شوې ،اکثره مجاهدینو هغه ته پوره پاملرنه کوله ،دمثال په ډول الله تعالی فرمايي: (إنه من يتق ويصبر فإن الله لا يضيع أجر المحسنين) یعنې څوک چې تقوی اختیار کړي او صبر وکړي نوبیشکه الله ﷻ د نیکوکارانو اجر نه ضایع کوي (یعنې الله جل جلاله د تقودار او صبر کوونکي مسلمان عمل قبلوي). تقوی نه یوازې دا چې د عمل د قبلیدو باعث ګرځي په دنیا کې هم ډیرې ګټې لري، په تقوی سره خفګان، بې ځایه ډار او تشویش له منځه ځي: (فمن اتقى وأصلح فلا خوف عليهم ولا هم يحزنون)، (ومن یتق الله یجعل له مخرجا)يعني څوک چې له اللهﷻ څخه ویریږي ،هغې ته اللهﷻدخلاصون لارې ښیي
نو په دې ایتونو کې چې د تقوا کومه نتيجه ښودل شوې زمونږ اکثره مجاهدین ترې برخمن وی، نو همدا يې د پرمختګ او کامیابۍستر لامل يادولی شو.
7ـ د قوميت او عصیبت نه شتون.
قومیت پالنه په یوه ټولنه کې هغه منفور عمل دی چې ټول ملت ټوته ټوته کوي، او د پرمختګ مخه نيسي، دا چې دې افغان مجاهدینو ترمينځ قوم پالنه نه ترسترګو کېده، او دمشرانو ترمینځ یې پوره هماهنګي موجوده وه او په رهبري شورا او نورو ادارو کې د هر قوم خلک په خدمت بوخت دو، نو هیڅا ته ځان پردی نه احساس کېدو،له همدې امله یې په پوره توان اوطاقت مبارزه کوه.
