د کندهار هوايي ډګر کې یوه امریکایي بې پیلوټه الوتکه غورځېدلې
کابل ټکی کام ۰۲کب/۱۳۹۴، احمدالله مهاجر
خبري رسنیو خبر ور کړی دی چې د کندهار ولایت په هوايي ډګر کې یوه امریکایي بې پیلوټه الوتکه را نسکوره شوې ده.
امریکایي چارواکو هم د پېښې پخلی کړی دی، او ویلي یې دي چې:
«تېر ماښام د دوی MQ ډوله ډرون الوتکه د کندهار په هوايي ډګر کې را نسکوره شوې ده.»
د کندهار د هوايي ځواکونو قومندان جنرال عبدالرازق شېرزی رسنیو ته ویلي دي، چې دغه الوتکه د تخنيکي ستونزو له کبله د کېناستو پرمهال لوېدلې ده.
شېرزي زیاته کړه چې په پېښه کې چا ته زیان نه دی اوښتی.
