کابل ټکی کام (شنبه، ۲۸ سلواغه، ۱۴۰۲ل)
د لبنان د اسلامي مقاومت غورځنګ حزب الله ګواښ کړی، چې د اسراییلو پر وړاندې به تاوتریخوالی زیات کړي او د تل أبیب په ګډون به د صهیونیستانو ټول ښارونه په نښه کړي.
د یادې ډلې د مشر “حسن نصرالله” نیم ساعته وینا، چې وړاندې ثبت شوې وه، د حزب الله اړوند “المنار” تلویزیوني شبکې تېره شپه خپره کړې ده. دا په داسې حال کې ده، د اسرائیلي ترهګرو په تېررو دوو ورځو کې د لبنان په جنوب کې پر څو ښارونو هوایي بریدونه وکړل، چې حزب الله ډلې د یو لوړ پوړي قوماندان په ګډون پکې لږ تر لږه ۱۵ تنه جنګیالي ووژل شول.
د لبنان د حزب الله عمومي مشر حسن نصرالله تېره شپه په خپله وینا کې وویل: چې د لبنان په جنوبي سیمو باندې د اسرائیلو بریدونه چې ملکیان یې په نښه کړل او زیات شمېر یې ووژل، د جګړې په ډګر کې یو بدلون دی.
نصرالله د خپلو ګواښونکو څرګندونو په دوام ګواښ کړی، چې د تل أبیب په ګډون د صهیونیستانو ټولو ښارونه ویشتلی شي.
د حزب الله مشر دغه راز د اسرائیلو او لبنان پر پوله د تېر اکتوبر راهیسې نښتو ته اشاره وکړه او ګواښ یې وکړ ،چې د خپلو جنګیالیو او ملکي وګړو د وژل کېدو غچ به اخلي. صهیونیستانو سره د خبرو اترو ټولې در وازې تړل شوي. موږ حماس سره ژمنه کړې ده، چې ترڅو پر غزې د اسرائیلي ترهګر ريژیم بریدونه روان وي پر وړاندې به یې د دوی مبارزه هم روانه وي.
د یا دونې وړ ده، چې حسن نصرالله همدا راز ګواښ کړی، چې حزب الله داسې توغندي لري، چې د پلازمېنې تل أبیب په ګډون د صهیونیستانو ټول ښارونه په دقیقه توګه ویشتلی او له منځه وړلی شي.
