کابل ټکی کام (چهارشنبه، ۸ وری، ۱۴۰۳)
د حماس اسلامي غورځنګ د سیاسي دفتر مشر “اسماعیل هنیه” ایران ته د خپل سفر پر مهال ویلي، چې اسرائیل د بې ساري سیاسي انزوا سره مخ دي”.
هنیه دا څرګندونې دوه ورځ وروسته له هغه کوي، چې د ملګرو ملتونو امنیت شورا په غزه کې د سمدستي اوربند غوښتنه وکړه.
د ایران د بهرنیو چارو له وزیر حسین امیر عبداللهیان سره له کتنې وروسته “هنیه’ په تهران کې خبریالانو ته وویل: «که څه هم د ملګرو ملتونو د امنیت شورا پریکړه لیک ناوخته صادر شوی او شاید نیمګړتیاوې ولري؛خو دا پریکړه لیک پخپله څرګندوي چې اشغالګر اسرائیل دي او له بې ساري سیاسي انزوا سره مخ دي.”
هنیه د خپلو خبرو پر دوام ویلي، چې “اسرائیلي نیواکګر ريژیم حتی په امنیت شورا کې هم خپل سیاسي ملاتړ له لاسه ورکړی” او ” امریکا نه شي کولی، چې خپلې هیلې پر نړیوالې ټولنې تحمیل کړي.”
هنیه د تېر په څېر یوځل بیا د اسرائيلو حكومت صهيونيسټ رژيم وباله او ويې ويل دغه هېواد په تيرو پنځو مياشتو كښې خپل هيڅ پوځي او ستراتيژيك هدف نه دى ترلاسه كړى.
د ویلو ده، چې د حماس اسلامي غورځنګ د سیاسي دفتر مشر اسماعیل “هنیه” د یو لوړ پوړي پلاوي په ملتیا د ایران په رسمي بلنه تهران ته د خپل سفر په ترڅ کې د ایران له ستر مذهبي رهبر “علي خامنه ای” په ګډون د یاد هېواد له لوړ پوړو سیاسي او پوځي مشرانو سره کتلي دي د “خامنه اي” دفتر د یوې اعلامیې په خپرولو سره ویلي، چې د ایران د اسلامي جمهوریت مشر د صهیونیستي رژیم د جنایتونو او ظلمونو پر وړاندې د فلسطیني ځواکونو د بې ساري مقاومت ستاینه کړې او د هر اړخیزې مرستې ډاډ یې یې ورکړی ده.
