کابل ټکی کام (چهارشنبه، ۸ وری، ۱۴۰۳ل)
د ایران د اسلامي جمهوریت ولسمشر “ابراهیم رییسي” د حماس اسلامي غورځنګ د سیاسي دفتر له مشر او د فلسطین د خپلواکې ادارې له پخواني لومړي وزیر “اسماعیل هنیه” سره په کتنه کې ویلي، چې د
فلسطنیانو مقاومت د امریکا په ګډون ټول لویدیځ هېوادونه مات کړل.
د رییسي په خبره هېواد به یې د فلسطیني تر بشپړې خپلواکۍ پورې د فلسطیني مقاومتي ډلو ملاتړ ته دوام ورکوي او له فلسطنیانو ملاتړ خپل ایماني او بشري مسؤلیت ګڼي.
ابراهیم رییسي اسماعیل هنیه سره په لیدنه کې د اسرائیلي ترهګر ريژیم پر وړاندې د مقاومتي ډلو د مقاومت ستاینه او ننګه کړې او په خبره یې هغه ورځ لرې نه ده، چې اسرائیلي نیواکګر به په ټیټو سترګو له غزې تړانګې څخه وتښتي.
د ویلو ده، چې د حماس اسلامي غورځنګ د سیاسي دفتر مشر اسماعیل هنیه د یو لوړ پوړي پلاوي په ملتیا په یوه رسمي بلنه تهران ته تللي او هلته یې د ایران د بهرنیو چارو د وزیر، مذهبي مشر، ولسمشر رییسي او یو شمېر نورو سیاسي او پوځي مشرانو سره لیدنې کتنې کړي دي.
