کابل ټکی کام (یکشنبه، ۱۹ وری، ۱۴۰۳ل)
د راپورونو له مخې د یمن وسله والو ځواکونو یوه برېتانوي بېړۍ، چې اسرائیلو ته روانه وه، د سره سمندرګي “بحرالاحمر” په سواحلو کې ویشتلې ده.
د یمن د وسله وال پوځ ویاند “جنرال یحیی سریع” المیسره خبري آژانس سره په خبرو کې ویلي، چې یادې بېړۍ هڅه کوله، چې د شپې له تيارې په ګټې اخیستنې سره له سمندرګي تېره او اسرائیلو ته تیل او وژونکې وسلې ولیږدوي؛ خو د دوی د ځواکونو لخوا د بالستیک توغندیو په توسط په نښه او په بشپړه توګه له مینځه یو وړل شوه.
د ویلو ده، چې د یمن د وسله والو ځواکونو ویاند یوځل بیا خبرداری ورکړی، چې ځواکونه یې د تیارسۍ په حالت کې دي او تر هغو به د امریکا، اسرائیلو او برېتانوي بېړيو په خلاف خپل عملیات جاري ساتي ترڅو چې صهیونیستي یرغلګر پوځ غزه کې خپل وحشیانه بریدونه پای ته نه وي رسولي.
