اردوغان هنيه سره خبرو کې: اسراييل به خامخا د ترسره کړو جنايتونو حساب ورکړي
کابل ټکی کام (جمعه، ۲۴ وری، ۱۴۰۳ل)
د ترکیې ولسمشر رجب طیب اردغان د فلسطیني د مقاومتي غورځنګ “حماس” له سیاسي مشر اسماعیل هنیه سره په تلیفوني خبرو کې د نوموړي د کورنۍ د څو غړو د شهادت په اړه تسلیت او خواخوږي څرګندنه کړې ده.
ولسمشر اردغان ویلي، چې د اسراييلو صهیونیست او ترهګر ریژیم به خامخا د ترسره کړو جنايتونو حساب ورکوي.
دغه راز د ترکیې د بهرنیو چارو وزیر “هاکان فیدان” هم هنیه سره سره تلیفوني خبرې کړې او نوموړي سره یې د کورنۍ د څو غړو د شهادت غمرازي څرګندنه کړې ده.
د ویلو ده، چې وړمه ورځ اسرائیلي اشغالګرو په داسې حال کې د اسماعیل هنیه د کورنۍ غړي په نښه کړل، چې د اختر لمانځه ته روان و. د صهیونیستي ريژیم په دې وحشیانه برید کې د هنیه درې زامن او څو لمسیان په شهادت ورسیدل او ځینې نور ټپیان شول.
