کابل ټکی کام (سه شنبه، ۲۸ وری، ۱۴۰۳ل)
له غزې ورکړل شوي راپورونه وایي، چې حماس ځواکونو سره نښتو کې ۵ اسراییلي پوځيان وژل شوي او ګڼ نور ټپیان دي. د حماس غورځنګ د پوځي څانګې “القسام” لېوا سرچینو رسنیو ته ویلي، چې د غزې شمال کې یې د اسرائیلي پوځ درې ټانکونه په “یاسین ۱۰۵” توغندیو ویشتلي، چې په پایله کې یې ۵ تنه اشغالګر پوځيان وژل شوي او یو شمېر نور ټپیان دي. د ویلو ده، چې اسراییلو تر اوسه خپل لوري ته د اوښتې مرګ ژوبلې په تړاو څه نه دي ویلي؛ خو ځینو اسراییلي رسنیو خبر ورکړی، چې په تېرو ۴۸ ساعتونو کې یې د غزې تړانګې په بېلا بېلو برخو کې ځواکونو ته مرګ ژوبله اوښتې ده.
