کابل ټکی کام (شنبه، ۱ ثور، ۱۴۰۳ل)
د راپورونو له مخې د عراق د اسلامي مقاومت “حشدالشعبې” ځواکونو د اسراییلو په “ایلات” بندري او ستراتیژیک ښار باندې د بالستیک او بې پیلوټه الوتکو بریدونه کړي دي. د عراق اسلامي مقاومت وسله والې ډلې د یوې اعلامیې په خپرولو سره ویلي، چې یاد بریدونه یې په ایران، عراق او سوریې باندې د صهیونیستي ريژیم د وړمې ورځې د بریدونو په غچ کې ترسره کړي دي. یادې ډلې ګواښ کړی، که اسراییلي نیواکګر پر غزې، عراق او سوریه کې خپلو وحشیانه بریدونو ته دوام ورکړي، نو دوی به یې هم پر وړاندې خپلو بریدونو ته دوام ورکوي. د ویلو ده، چې اسراییلي ريژیم تر اوسه د یادو بریدونو په هکله کومه تبصره نه ده کړې؛ خو اسراییلي رسنیو خبر ورکړی، چې له عراق څخه پر ایلات ښار بریدونه شوي؛ خو د اوښتو ځاني او مالي زیانونو په اړه یې څه نه دي ویلي.
