په سوریې د اسراییلو برید کې شپږ تنه وژل شوي

کابل ټکی کام (چهارشنبه، ۱۲ ثور، ۱۴۰۳ل)

د المیادین خبري آژانس د خبر له مخې د سوریې په پلازمینه “دمشق” د اسراییلي اشغالګرو په هوایي برید کې شپږ تنه وژل شوي دي. د سوریې د بشري حقونو د څار لندن میشتې سازمان د یوې اعلامیې په خپرولو سره ویلي، چې اسراییلو تيره ورځ دمشق کې د سوریې د پوځ پر یوې اډې هوایي بریدونه کړي او ټول وژل شوي د سوریې پوځیان دي. د سوریې دولتي تلویزیون هم د بریدونو پخلی کړی؛ خو پکې د اوښتې مرګ ژوبلې په هکله یې څه نه دي ویلي. د الومړی ځل نه دی، چې اسراییلي اشغالګر د سوریې نظامي اهداف په نښه کوي، بلکې تر دې وړاندې یې هم ګڼ شمېر بریدونه تر سره کړي، چې په پایله کې یې سلګونو کسانو ته مرګ ژوبله اوښتې ده.