محمد مخبر د ایران سرپرست ولسمشر وټاکل شو
کابل ټکی کام (سه شنبه، ۱ غبرګولی، ۱۴۰۳ل)
د ايران مذهبي مشر ايت الله علي خامنه يي د مړه شوي پخواني ولسمشر ابراهيم رئيسي لومړي مرستيال محمد مخبر د ولسمشر په توګه اعلان کړی.د شورای نګهبان وياند ويلي، چې د هيواد د کورني او بهرني سياست په اړه مهم موضوعات له نوي ولسمشر سره شريک شوي دي.د ايران د بهرنيو چارو پخوانی وزير جواد ظريف وايي ،چې دغې پېښه کې امريکا هم لاس لري، ځکه د دغه هيواد بنديزونه د دې لامل شوي، چې ايران نويو وسايلو ته له لاسرسي پاتې شي.دغه راز د بهرنيو چارو وزارت چارې نوي وزير علي باقري ته سپارل شوي، نوموړی مخکې له دې د مړه شوي امير حسين عبداللهيان مرستيال و.د بهرنيو چارو وزارت ويلي، چې ډيپلوماتيکه دستګاه فعاله ده او دغه ډول پېښې يې چارې کمزورې کولی نه شي.
