کابل ټکی کام (سه شنبه، ۱ غبرګولی، ۱۴۰۳ل)
د افغانستان اسلامي امارت د زعیم امیر المؤمنين شيخ هبة الله اخندزاده له لوري د ۱۴۰۳ مالي کال بوديجه توشيح شوه.
په هکله د اسلامي امارت وياند ذبيح الله مجاهد له لوري خپره شوې اعلامیه کې راغلي:
« د عالیقدر امیرالمؤمنین حفظه الله تعالی لخوا د افغانستان د ۱۴۰۳ لمریز مالي کال ملي بودیجه له هر اړخیز غور او دقت وروسته توشیح شوه.»
دغه راز په اعلاميه کې راغلي چې د ۱۴۰۳ مالي کال بوديجه هم له کورنیو عوایدو چمتو شوې ده.
«لکه د تېر کال له خپلو کورنیو عوایدو څخه چمتو شوې ده.
مالیې وزارت به د تل په څېر د ۱۴۰۳ لمریز مالي کال، ملي بودیجه د هیواد په مالي سیستم کې ځای پر ځای کړي او د روان مالي کال اړوند ټولو (عادي او انکشافي) برخو ته به په پوره روڼتیا سره په نورمال ډول رسیدګي وشي.»
