راپورتاژ: م. جمیل باور
وروسته له هغه چې د طالبانو مشر شیخ هبة الله اخند زاده د یو پیغام له لارې د کابل ادارې اړوندو ملکي او نظامي منسوبینو ته د دندې پرېښودو صورت کژ عمومي عفوه اعلان کړه، نیږدې هره ورځ د هیواد په لر او بر کې د کابل ادارې ګن شمیر منسبوین خپلې دندې پریږدې او طالبانو سره یو ځای کیږي.
د همدې لړۍ په دوام تېره ورځ د زابل ولایت یو مخور قومي مشر او د ولایتي شورا پخوانی غړی “عبدالمجید خان” هم له طالبانو سره یو ځای شوی، طالبانو یې یو ځای کيدل منلي او په وینا یي تود هرکلی یې هم ورته ويلی دی.
په دې هکله د زابل ولایت د امنیه قومندانۍ ویاند “لعل محمد میري” رسنیو سره په خبرو کې ويلي، چې یاد قومي مشر څلور ورځي وړاندې کلي ته تللی و او هلته له طالبانو سره یو ځای شوی دی.
له بل لوري د زابل په مرکز کلات کې خبریال او مدني فعال “افضل وطن دوست” المان غږ سره په مرکه کې ويلي چې عبدالمجیدخان د هغو مخورو قومي مشرانو له ډلې و، چې تل به يې د اوسني دولت په ملاتړ څرګندونې کولې او طالبانو سره یوځای کیدل یې د سولې د بین الافغاني خبرو د پیليدو له هيلو سره تړوا لري.
د ښاغلي وطن دوست په اند خلک پوه شوي، چې د طالبانو راتلونکی دی؛ نو اوس ډیر دولت پلوي قومي مشران مشران ځکه هڅه کوي چې له طالبانو سره اړیکي ولري، ترڅو په راتلونکي حکومت کې برخه او نفوذ ولري.
هېره دې نه وي، چې طالبانو د دعوت و ارشاد او جلب جذب کمېسيون له څو کلونو راهيسې هڅې پيل کړي، چې حکومتي کارمندان له خپلو دندو لاس په سر شي، چې په هڅو یې سلګونهو دولتي کارکوونکو خپلې دندې پريښي او عادي ژوند یې پيل کړی.
