کابل ټکی کام (شنبه، ۵ غبرګولی، ۱۴۰۳ل)
د تسنیم خبري آژانس د خبر له مخې د حماس اسلامي غورځنګ د سیاسي دفتر مشر “اسماعیل هنیه” او د اسلامي جهاد مقاومتي ډلې مشر “زیاد النخاله” د ایران پلازمېنه تهران کې د ایران د سپاه پاسداران او قدس ځواکونو له مشرانو سره کتلي دي.تسنیم خبري آژانس وایي په دې غونډه کې د حزب الله، د یمن د وسله والو ځواکونو مشرانو او د عراق د اسلامي مقاومت سازمان “حشدالشعبي” مشرانو هم برخه لرله.د یادونې وړ ده، چې په دی غونډه کې د سیمې د ټولو مقاومتي ډلو په ګډو هڅو د فلسطیني مقاومت تر بشپړې بریا پور د مبارزې پر دوام ټینګار شوی دی.
