کابل ټکی کام (چهارشنبه، ۱۳ چنګاښ، ۱۴۰۳ل)
د سوریې او عراق په شمال کې د کردي وسله والو پر ضد د ترکیې د وسله والو ځواکونو په هوایي بریدونو کې ۱۳ کردي وسله وال وژل شوي او لسګونه نور ټپیان شوي دي.د تورکیې د وسله والو ځواکونو قوماندانۍ د یوې خبر پاڼې په خپرولو سره ویلي، چې عمليات یې بریالي و او د کردي وسله والو ۴ مرکزونه یې له منځه وړي دي.خبر پاڼه کې راغلي: د عراق په شمال کې د “پړانګ پنجې” په نامه عملیاتو کې ۱۰ تنه وسله وال وژل شوي او لسګونه نور ټپیان شوي دي. خبر پاڼه کې زیاته شوې،چې د سوریې په شمال کې د “زیتون څانګې” په نامه عملیاتو کې ۳ تنه وسله وال وژل شوي دي.د یادونې وړ ده، چې د ترکیې د وسله والو ځواکونو قوماندانۍ خبرداری ورکړی، چې د هیواد دننه او بهر به د ترکیې ضد وسله والو ډلو پر وړاندې عملیاتو ته دوام ورکوي.
