کابل ټکی کام (سه شنبه، ۱۹ چنګاښ، ۱۴۰۳ل)
د اسرائیلي پوځ پخواني جنرال “اسحاق بريک” الجزیرې تلویزیوني شبکې سره په خبرو کې ویلي، چې د نتنياهو له لورې په جګړې ټينګار کول اسرائيلو ته د يو اتومي بم په څير زيان رسونکی دی. دا جنرال وايي: بايد اعتراف وکړو چې دا جګړه موږ بايللې ده.جنرال بريک زياتوي: نتنياهو اسرائيل ديوې لويې جګړې په څنډه درولي دي او که داځل هم د بنديانو تبادله ردکړي، نو اسرائيل به تبا کړي. د بريک په باور د حماس له منځه وړل ډيره لرې خبره ده او حتی اسرائيلي پوځ نه شي کولی چې د حماس بريدونه حد اقل ودروي. د بريک په وينا،اسرائيلي ولس په دې بې هدفه جګړه کې ډيرې ځوانۍ له لاسه ورکړې او دومره زيان يې وليده چې په خپل تاريخ کې يې نه وو ليدلی.بريک وايي: حماس غزه کې په ارامه خپلو تونلونو کې ناست دی او هره ورځ زموږ تنکي ځوانان ښکار کوي او بيرته په ارامه خپلو تونولو ته ځي. بريک زياتوي: حماس زموږ د پوځ ۷۰ کلن شان او شوکت له منځه يوړ، ددې يواځينۍ حل لاره داده چې موږ بايد فلسطيني مقاومت د يو واقعيت په بڼه ومنو. وايي اسرائيلي مشران نه پوهيږي چې د لبنان سره د جګړې پر مهال به اسرائيلو له څنګه برخلیک سرمخ کېږي، ځکه چې حزب الله ۱۵۰ زره ميزائيل لري چې ټول اسرائيل پرې ويشتلی شي.
