پر یمن اسرائیلي اشغالګرو هوایي بریدونه کړي
کابل ټکی کام (یکشنبه، ۸ تله، ۱۴۰۳ل)
د راپورونو له مخې صهیونیستي اشغالګرو د یمن پر “حدیدة” او ځینو نورو ښارونو پراخ هوایي بریدونه کړي دي.
یمني رسنۍ وایي، چې شیبه وړاندې اسرائیلي او امریکایي ځواکونو د یاد هېواد په حدیده او ځینو نورو ښارونو هوایي بریدونه کړي، چې پکې د تیلو ستر تأسیسات په نښه شوي دي.
د یادونې وړ ده، چې تر دې دمه په یادو بریدونو کې د اوښتې مرګ ژوبلې په هکله څه نه دي ویل شوي؛ خو رویټرز خبري آژانس خبر ورکړی، چې د بریدونو څرنګوالي ته په کتو ښایي مرګ ژوبله ولري.
