کابل ټکی کام (جمعه، ۲۱ مرغومي، ۱۴۰۳ل)
له غزې ورکړل شوي راپورونه وایي، چې د یادې تړانګې په شمالي د ” جبالیا” کډوالو پنډغالي ته څېرمه د قدس لېوا “سرایة القدس” ځواکونو د تېرې شپې په ځپونکو عملیاتو کې ۶ اسرائیلي ټانکونه ویجاړ شوي او ګڼ شمېر ترهګرو صهیونیستي پوځیانو ته مرګ ژوبله اوښتې ده.
د فلسطین مقاومتي ډلې “سرایة القدس” د یوې خبر پاڼې په خپرولو سره ادعا کړې، چې ځواکونو یې تېره شپه صهیونیستي پوځیان کمین کې غورځولي و او په شپږ ساعتونو جګړه کې یې ۶ ټانکونه په بشپړه توګه ویجاړ کړي، چې په پایله کې یې ګڼو ترهګرو پوځیانو ته مرګ ژوبله اړولې ده.
که څه هم د وژل شویو او ټپي شویو اسرائیلي پوځیانو د کره شمېرو په هکله څه نه دي ویل شوي؛ خو اسرائیلي رسنیو خبر ورکړی، چې غزه کې یې ځینو پوځیانو ته مرګ ژوبله اوښتې ده.
