د یمن وسله وال پوځ د امریکا یوه پوځي بېړۍ ویشتلې
کابل ټکی کام (چهارشنبه، ۲۶ مرغومي، ۱۴۰۳ل)
د یمن دولتي تلویزیون خبری ورکړی، چې د یاد هېواد وسله وال پوځ په سره سمندرګي کې د امریکا یوه پوځي بېړۍ ویشتلې ده.
د یمني ځواکونو ویاند “جنرال یحیی سریع” یوې خبري ناستې ته د خبرو پرمهال ادعا کړې، چې ځواکونو یې د بې پیلوټه الوتکو پر مټ په سره سمندرګي د “USS هیري ټرومین” په نامه د اشغالګر امریکایي پوځ یوه پوځي بېړۍ په نښه او په بشپړه توګه له منځه وړې ده.
