کابل ټکی کام (یکشنبه، ۳۰ مرغومي، ۱۴۰۳ل)
د حماس اسلامي غورځنګ د پوځي څانګې “القسام” لېوا ویاند په خپلو تازه څرګندونو کې ویلي، چې زموږ مجاهدين د جګړې تر وروستيو لحظو پورې په ډېره مېړانه وجنګېدل، او موږ په ډېرو ناشونيو شرايطو کې له دښمن سره جګړه وکړه.
موږ له يوې داسې مقابلې سره مخ وو، چې اصلا د عقل له مخې هيڅ مساوي او برابره نه وه او دغه نه برابري د پوځي مهماتو له مخې وه؛ نه هم د اخلاقو او روحيې له مخې.
زموږ ولس د خپلې آزادۍ او مقدساتو لپاره په تېرو ۴۷۱ ورځو کې بې ساري قربانۍ ورکړې دي.
د “طوفان الاقصی” جګړه د غزې له څنډو پیل شوه، خو دا جګړه د سیمې بڼه بدله کړه او د صهیونستي رژیم پر وړاندې یې نوي معادلات رامنځته کړل.
دا جنایتکار او کمزوری دښمن اصلاً په سیمه کې د ناورین رېښه ده او د دوی د هڅو او پلانونو مخنيوی باید وشي.
په سیمه کې به د دوی هره هڅه او کوښښ د خپلواکو خلکو د مقاومت له سېلاب سره مخ شي.
دښمن زموږ د خلکو پر وړاندې د وحشت او ظلم نوې طریقې خپلې او ترسره کړې
زموږ د جګړې عظمت د شهید اسماعیل هنیه، شهید العروری او شهید یحیی السنوار غوندې مشرانو له قربانۍ او شهادتونو څخه څرګندېږي.
د الاقصی طوفان عملیاتو نوي جنګي محاذونه پرانیستل او اشغال یې مجبور کړ، چې د ځان د ملاتړ لپاره له نړیوالو قدرتونو څخه مرسته وغواړي.
د دې جګړې عظمت زموږ د رهبرانو شهيدانو په قطارونو کې څرګندېږي، چې د هغوى په سر کې هنيه، عاروري او سنوار شامل دي.”
دا مجرم دښمن د دې سيمې د ټولو بدمرغيو سرچينه ده، او ټولې هڅې او پلانونه بايد د دوې د له منځه وړلو په اړه تمرکز وکړي.
پداسې حال کې چې موږ خپل ګوزارونه د دښمن ځواکونو ته ورکوو، خو هغوی زموږ د خلکو په وړاندې د وحشت او بزدلۍ نوې لارې کارولې دي.”
له ټولې نړۍ مو په مليونونو ليکونه او پيغامونه تر لاسه کړي، دا په دې معنی ده، چې مونږ له تاسو او تاسو له مونږ څخه یئ.
موږ او نور د مقاومت ډلې د اوربند هوکړې ته خپل بشپړ التزام اعلانوو، خو په ورته وخت کې ټینګار کوو، چې دا ټول التزام د دښمن په التزام پورې تړاو لري.
د الاقصی توپان له تاریخي جګړې څخه ۴۷۱ ورځې تیرې شوې دي، او پرته له شکه چې د اشغالګرو په تابوت وروستی میخ هم ولګول شو.
