کابل ټکی کام (یکشنبه، ۳۰ مرغومي، ۱۴۰۳ل)
له غزې ورکړل شوي راپورونه وایي، چې حماس اسلامي غورځنګ د اوربند په لومړۍ ورځ شیبه وړاندې درې اسرائیلي ښځینه بندیانې سره صلیب ته سپارلې دي.
د الجزیرې نړېوال تلویزیوني شبکې د خبر له مخې یادې اسرائیلي ښځینه بندیانې د حماس اسلامي غورځنګ د پوځي څانګې “القسام” لېوا له لوري سره صلیب ته سپارلې دي.
د یادونې وړ ده، چې نن یکشنبه سهار د غزې پر وخت اته نیمې بجې د حماس اسلامي غورځنګ او صهیونیستي ترهګر ريژیم ترمنځ اوربند په رسمي توګه پیل شو، چې ورسره هممهاله د غزې له رفح او خان یونس ګڼ مېشتو سیمو د صهیونیستي ترهګر ريژیم د پوځیانو د تېښتې لړۍ هم پیل شوه.
