کابل ټکی کام (جمعه، ۱۹ سلواغه، ۱۴۰۳ل)
د راپورونو له مخې د فلسطین د لویدیځې غاړې په “جنین” ښارګوټي کې د فلسطیني مقاومت کوونکو او صهیونیستي اشغالګرو ترمنځ په نښتو کې ۲ اسرائیلي پوځیان وژل شوي او یو شمېر نور ټپیان شوي دي.
د فلسطین اسلامي جهاد غورځنګ ته نږدې سرچینو ادعا کړې، چې جنګیالیو یې پرون پنجشنبه له یوې ودانۍ په اشغالګرو ډزې کړي او ګڼ شمېر پوځیانو ته یې مرګ ژوبله اړولې ده.
د ویلو ده، چې صهیونیستي ترهګر ريژیم تر اوسه د یادې پېښې په اړه څه نه دي ویلي؛ خو ځینو اسرائیلي رسنیو ادعا کړې، چې لویدیځه غاړه کې یې ځواکونو ته مرګ ژوبله اوښتې ده.
