د کانونو او پټرولیم وزارت: د شبرغان- مزار د ګازو انتقال پروژې کارونه وروستي پړاو ته رسېدلي
کابل ټکی کام (شنبه، ۲ وری، ۱۴۰۴ل)
د افغانستان د کانونو او پټرولیم وزارت وایي، چې د شبرغان–مزار د ګازو د انتقال پروژې کارونه وروستیو پړاوونو ته رسېدلي دي.
د دغه وزارت ویاند همایون افغان ویلي، چې دا مهال د پروژې وروستۍ ازموینې روانې دي او د بشپړېدو سره به د بلخ فابریکې او مزار ښار له طبیعي ګازو څخه برخمن شي زياتوي:« د ویلډینګ چارې او د پایپ لاین غځولو کار بشپړ شوی او دا مهال یوازې د زنګ ضد ازموینې پاتې دي. هیله لرو چې د راتلونکي کال په جریان کې پاتې چارې هم بشپړې شي.»
د معلوماتو له مخې، ياده پروژه چې ۹۴.۵ کيلو متره اوږدوالی لري او ۶.۹ میلیونه افغانۍ لګښت پرې شوی، په شپهورځ کې شاوخوا ۱.۵ میلیونه مکعب متره ګاز لېږد ظرفیت لري.
