کابل ټکی کام (پنجشنبه، ۷وری، ۱۴۰۴ل)
د افغانستان د اسلامي امارت د وياند مرستيال ښاغلي حمدالله فطرت د څه باندې شل ملیارده افغانيو په ارزښت د عامه او خصوصي مشارکت او حکومتي بودیحې له لارې تمویل کېدونکو د برېښنا د لس پروژو د لاسليک خبر ورکړ.
ښاغلي فطرت په خپل اکس اکاونټ ليکلي، د عامه او خصوصي مشارکت او حکومتي بودیحې له لارې تمویل شوي د برېښنا لس پروژې، چې مجموعي ارزښت یې 20,752,546,288 (شل ملیارده، اوه سوه دوه پنځوس ملیونه، پنځه سوه شپږ څلوېښت زره، دوه سوه اته اتیا) افغانۍ دی، لاسلیک شوې.
نوموړی زياتوي، دا پروژې چې له کورنیو او بهرنیو شرکتونو سره لاسلیک شوې، پکې د 228,2 مېګاواټه بادي، حرارتي (ګازي) او لمریزې برېښنا تولید، د سب سټېشنونو جوړول او مزو غځول شامل دي.
ښاغلي فطرت د يادو پروژو تفصیل په لاندې ډول ورکړی دی: ۱-د بلخ ولایت په دهدادي ولسوالي کې د ۴۰ مېګاواټه لمریزې برېښنا تولید ۲- په هرات ولایت کې د ۵ مېګاواټه لمریزې برېښنا تولید ۳- په لغمان ولایت کې د ۱۰ مېګاواټه لمرېزې برېښنا تولید
په هرات ولایت کې د ۴۲ مېګاواټه بادي برېښنا تولید ( دا پلان شوي ۲۰۰ مېګاواټه برېښنا د تولیدي پلان لومړی فاز دی) ۵- د لوګر ولایت په محمداغه ولسوالۍ کې د سب سټېشن جوړول ۶- د ننګرهار په شیخ مصري کې د ۴۰ مېګاواټه لمریزې برېښنا تولید
د جوزجان ولایت په شبرغان کې د ۵۰ مېګاواټه حرارتي (ګازي) برېښنا تولید ۸- د لوګر ولایت په محمداغه ولسوالۍ کې د ۴۰ مېګاواټه لمریزې برېښنا تولید ۹- له زابل څخه تر کندهار پورې د غځېدونکې پروژې د پاتې چارو بشپړول او په سب سټېشنونو کې یې د SVC سستمونو نصبول
۱۰- له کجکي څخه تر کندهار پورې د ۱۱۰ کیلو ولټ برېښنایيمزې پاتې چارې بشپړول د یادونې وړ ده چې د برېښنا د یادو تولیدي پروژو تعرفه د پام وړ ټیټه او ځینیې آن په 3.7 سېنټه هم شته.
