کابل ټکی کام (چهارشنبه، ۲۰ وری، ۱۴۰۴ل)
له یمن ورکړل شوي راپورونه وایي، چې یواځې تېره شپه امریکایي اشغالګرو په دغه هېواد ۸۰ ځله وحشیانه هوایي بریدونه کړي، چې په پایله کې یې لسګونو کسانو ته مرګ ژوبله اوښتې ده.
یمني رسنۍ وایي، چې امریکایي اشغالګرو پلازمینه صنعا، صعده، حدیده او مارب ولایتونو کې پوځي او ملکي اهداف په نښه کړي، چې له امله یې ۴۲ تنه شهیدان او ۸۰ نور ټپیان شوي دي.
د ویلو ده، چې ځینو غربي رسنیو د امریکا په هوایي بریدونو کې د یمن د دفاع وزیر د وژل کېدو ادعا هم کړې؛ خو یمني چارواکو تر دې دمه د نوموړي د شهادت پخلی نه دی کړی.
