ترکیې او ایران د سوریې د کورنۍ جګړې د ختمولو هوکړه وکړه

کابل ټکی کام ۱۶کب/۱۳۹۴، احمدالله مهاجر
په دې وروستیو کې د ترکیې لومړي وزیر احمد اوغلو ایران ته په دې موخه چې د سوریې د کړکېچ پر سر د دواړو هېوادونو تر منځ د پیدا شوي اختلاف او په یو لړ نورو مسائلو بحث وکړي، په دوه ورځني سفر پیل وکړ.
دا مهال د ایران دولتي ټلویزیون وویل، چې پرون ناوخته د ترکیې لومړي وزیر احمد اوغلو د دغه هېواد له ولسمشر حسن روحاني سره وکتل، چې د لیدنې پر مهال یې په یو لړ هوکړو لاسلیک وکړ.
داوود اوغلو او حسن روحاني د خرابو اړیکو او په سوریه کې د کورنۍ جګړې د اختتام هوکړې لاسلیک کړې.
دوی همدا راز په لیدنه کې یو لړ سوداګریزې هوکړې هم لاسلیک کړې.
داوود اوغلو د حسن روحاني سره د خبرو پر مهال دواړه هېوادونه وروڼه یاد کړل، او زیاته یې کړه چې دواړه هېوادونه به د سوریې د کړکېچ د حل لپاره پر ګډې نقشې کار کوي.
داوود اوغلو وویل، چې په ایران د لګول شویو اقتصادي بندیزونو تر لرې کېدو وروسته به د دواړو هېوادونو تر منځ سوداګري په کال کې دېرش میلیارده ډالره پورته شي.
روحاني هم د خبرو پر مهال د سیمې کړکېچ د سیمه ییزو هېوادونو له لورې حل کېدونکی وبللو.