کابل ټکی کام (یکشنبه، ۲۱ غویی، ۱۴۰۴ل)
د یمن د وسله والو ځواکونو ویاند جنرال یحیی سریع ادعا کړې چې د اسراییلو په بن ګوریون هوايي ډګر او یو بل مهم هدف یې توغنديز او ډرون برید کړی دی.
یحیی سریع یوه بیان کې ویلي چې: “اسراییلو کې مو په بن ګوریون هوایي ډګر او حفا کې مو په یو بل مهم هدف بریالي عملیات وکړل او د الله په فضل خپل هدف ته ورسېدو.”
هغه که څه هم دغو بریدونو کې د اوښتو زیانونو په اړه حزییات نه دي ورکړي؛ خو ویلي یې دي چې اسراییلي پوځ ونه شو کولی د دوی د ډرون او توغندیز برید مخه ونیسي او د بن ګوریون ډګر الوتنې یې وځنډولې.
ورته وخت کې اسرائیلو ویلي چې د یمن توغندی یې په بریالیتوب سره شنډ کړی دی.
یحیی سریع همدارنګه ویلي چې د غزې د محاصرې تر پایته رسېدو به د اسراييلو پر ضد بريدونو ته دوام ورکوي.
د ویلو ده، دا په تېرو ۹ ورځو کې دویم ځل دیو چې یمني ځواکونه بن ګوریون هوایي ډګر د ډرون او توغندي برید کوي.
