یمني ځواکونو د اشغالي فلسطين بن ګوریون هوایي ډګر بالستیکي توغندیو او ډرونونو سره وویشت
کابل ټکی کام (يکشنبه، ۲۸غویی، ۱۴۰۴ل)
د یمن د وسلهوالو ځواکونو ویاند، یحیی سریع، اعلان وکړ چې د دې هېواد توغندیز ځواک د اشغالي فلسطين «بن ګوریون» هوایي ډګر چې د “اللد” په نوم هم یادېږي، په دوه بالستیکي توغندیو هدف ګرځولی دی.
نوموړي ويلي، چې دا عملیات یو “نوی او مهم پوځي اقدام” و، چې په ترڅ کې یې یو فرطصوتي توغندی د “فلسطین-۲” او بل د “ذو الفقار” په نوم توغندی ویشتل شوی دی.
نوموړی زياتوي چې دغه عمليات بريالي و چې د بن ګوريون هوايي ډکر الوتنې د څو ساعتونو لپاره بندې شوې او اسرائيلي اشغالګر يې په ويره کې واچول.
په عين حال کې تر توغنديز بريد مخکې د یمن د وسلهوالو ځواکونو بېپیلوټه هوايي ځواک هم په همدې هوایي ډګر برید کړی و. دغه برید د “یافا” په نوم یوه ډرون الوتکې له لوري ترسره شوی و.
یحیی سریع د خپلو څرګندونو په دوام کې د اسلامي نړۍ له خلکو وغوښتل چې د فلسطین د مظلومو خلکو ملاتړ وکړي ويې ویل: “ایا دوه میلیاردیز امت نهشي کولای چې دوه میلیونه فلسطینیان له نسلوژنې او لوږې وژغوري؟”
د یمن وسلهوال ځواکونه وايي، تر هغه به خپلو عملیاتو ته دوام ورکړي، ترڅو په غزه کې پر فلسطینیانو روان یرغل پای ته ورسول شي او کلابندۍ ختمې شي.
